Тоқаев Ұлттық қауіпсіздік комитетінде маңызды кадрлық ауыс-түйіс жасады

Бүгін мемлекет басшысы Қасым-Жомарт Тоқаев Ұлттық қауіпсіздік комитетінде кадрлық ауыс-түйіс жасады. Бұл туралы Ақорда хабарлады.

Мемлекет басшысының өкімімен Марат Жұмабаев Ұлттық қауіпсіздік комитеті төрағасының орынбасары – Сыртқы барлау қызметінің директоры лауазымына тағайындалды.

Сондай-ақ Алмас Наймантаев Қазақстан Республикасы Ұлттық қауіпсіздік комитеті Төрағасының орынбасары лауазымына тағайындалды.

Сонымен қатар президент өкімімен Бақытбек Қосжанов Ұлттық қауіпсіздік комитеті төрағасының орынбасары лауазымынан босатылды.