"Әлі нақты емес": министр жаңа құрылыс кодексіне қатысты сынға жауап берді

Өнеркәсіп және құрылыс министрі Қанат Шарлапаев үкімет отырысынан кейін өткен брифингте депутат Бақытжан Базарбектің құрылыс кодексінің жобасына қатысты сынына жауап берді. Бұл туралы KAZ.NUR.KZ тілшісі хабарлайды.

"Бізде тиісті түрде қарсылық білдірілген Қаржы министрлігінің қорытындысы бар. Қарсылықтар Қаржы министрлігіне жіберіледі. Қазір қаралып жатыр. Екінші мәселе – депутаттар өз пікірін білдіруге құқылы. Олардың айтқаны тексеріледі. Бізде Жоғары аудиторлық палатаның аудиті, зерттеулері бар. 2004 жылғы 26 шілдедегі бұл есепте ресми тергеу аяқталғанға дейін депутат Бақытжан Базарбек мәлімдеген бұзушылықтар көрсетілмеген", - деді Қанат Шарлапаев.

Министр екі есеп беру бар екенін айтты.

"Олардың бірі ештеңе таппады. Тергеу ресми түрде аяқталған жоқ, өйткені мемлекеттік орган бұл шешімге наразылық білдіруге құқылы. Біз оған наразылық білдірдік. Сондықтан мен түсініктеме бере алмаймын", - деді ол.

Бұған дейін депутат Бақытжан Базарбек құрылыс кодексінің жобасы туралы айтып, "бұл реферат, мұндайды оқушы да жаза алады" деп мәлімдеген болатын. Депутат қазақстандықтарға ұсынылып отырған кодекстің бір нәрсені өзгертетініне қатысты "иллюзия жасаудың" қажеті жоқ екенін айтты. Өйткені бұл толығымен дерлік көшірілген "ескі" нормалар.

Сондай-ақ депутат Елнұр Бейсенбаев бұған дейін жаңа құрылыс кодексінің бағасына таң қалғанын айтты, кодексіт әзірлеуге 382,5 млн теңге қажет болған. Бұл ретте Кодекстің әрбір бетіне орта есеппен 1,6 млн теңге жұмсалған болып шығады.

Кейінірек мәжіліс отырысында депутат Бақытжан Базарбек ұсынылған құрылыс кодексін "реферат" деп бекер айтпағанын айтты, ол кодексте 291 млн теңге "жылыстатылғанын", оны бөгде ұйымдарды тартуға, үй-жайларды жалға алуға, нақты шығындарсыз еңбекақы төлеуге жұмсалған шығындарды асыра бағалағанын мәлімдеді.

Еске салайық, ақпан айының ортасында өнеркәсіп және құрылыс вице-министрі Тимур Қарағойшин мәжілісте құрылыс кодексінің жобасын таныстырған еді.