Тоқаев пен Макрон кездесуі аясында қандай құжаттарға қол қойылды

Бүгін Қазақстан мен Франция президенттері стратегиялық серіктестікті одан әрі жандандыруға бағытталған Бірлескен декларация қабылдады. Бұл туралы Ақордаға сілтеме жасаған KAZ.NUR.KZ хабарлайды.

Ақорадының Telegram-дағы ресми арнасында жарияланған мәлімет боойынша, бұдан кейін мемлекеттер басшыларының қатысуымен мынандай құжаттарға қол қойылды:

1. Қазақстан Республикасының үкіметі мен Француз Республикасының үкіметі арасындағы реадмиссиялау туралы келісім;

2. Аса маңызды материалдар мен ресурстар бойынша Қазақстан мен Францияның стратегиялық ынтымақтастығының жол картасы

3. "Самұрық-Қазына" ұлттық әл-ауқат қоры" акционерлік қоғамы мен Société Generale S.A. компаниясы арасындағы стратегиялық ынтымақтастық туралы келісім;

4. "Қазақстан темір жолы" ұлттық компаниясы" акционерлік қоғамы мен Alstom Transport SA компаниясы арасындағы 6 осьті электровоздар бойынша стратегиялық ынтымақтастық туралы келісім;

5. Ә.Х. Марғұлан атындағы Археология институты мен Ұлттық превентивті археологиялық зерттеулер институты (INRAP) арасындағы археология саласындағы ынтымақтастық туралы келісім хаттамасы.

Президент Қасым-Жомарт Тоқаевтың Парижге мемлекеттік сапары аясында екі ел делегациясының мүшелері 36 құжатқа қол қойды. Оның ішінде жалпы сомасы 2,2 миллиард доллар болатын 1 үкіметаралық, 21 ведомствоаралық және 14 коммерциялық құжат бар.