Тоқаев Қарулы күштерде кадрлық өзгеріс жасады
Жарияланған күні:
Мемлекет басшысы Қасым-Жомарт Тоқаев Қарулы күштерде кадрлық ауыс-түйіс жасады. Бұл туралы Ақорда хабарлайды.
Президенттің баспасөз қызметінің мәліметінше, Асан Қуанышұлы Жүсіпов Қазақстан Республикасының Қарулы күштері Құрлық әскерлерінің бас қолбасшысы лауазымынан босатылды.
Қуанышбек Өскенбайұлы Үштаев "Оңтүстік" өңірлік қолбасшылығы әскерлерінің қолбасшысы лауазымынан босатылды.
Сонымен қатар бұл лауазымдарға жаңа қолбасшылар тағайындалды.
"Мереке Мәтімұлы Көшекбаев Қазақстан Республикасының Қарулы Күштері Құрлық әскерлерінің бас қолбасшысы лауазымына тағайындалды.
Ержан Уақасұлы Ыбыраев "Оңтүстік" өңірлік қолбасшылығы әскерлерінің қолбасшысы болып тағайындалды, ол бұрынғы атқарған лауазымынан босатылды", - делінген хабарламада.
Мақаланың түпнұсқасы: https://kaz.nur.kz/politics/2192489-qaruly-kushteri-qurlyq-askerlerining-bas-qolbasshysy-lauazymynan-bosatyldy/
