Тоқаев Финляндия президенті Александр Стуббпен телефон арқылы сөйлесті

Мемлекет басшысы Қасым-Жомарт Тоқаев Финляндия президенті Александр Стуббпен телефон арқылы сөйлесті. Бұл туралы Ақорда хабарлайды.

Финляндия тарапының бастамасымен өткен әңгімелесу барысында президенттер екіжақты ынтымақтастықтың даму перспективаларын талқылады.

Сондай-ақ мемлекеттер басшылары өңірлік және халықаралық күн тәртібіндегі өзекті мәселелер жөнінде пікір алмасты.

Қасым-Жомарт Тоқаев Александр Стуббты және Финляндия халқын алдағы Тәуелсіздік күнімен құттықтады.

Айта кетсек, бұған дейін мемлекет басшысы Қасым-Жомарт Тоқаев Лаос президенті Тхонглун Сисулитке құттықтау жеделхатын жолдады.

Сонымен қатар Қасым-Жомарт Тоқаев Албания президенті Байрам Бегайға құттықтау жеделхатын жолдады.