"Стамбул табыстырды": Жахан Отарғалиев пен Балжан Бидаш некесін қиды (фото)

Отандық актер Жахан Отарғалиев пен әнші Балжан Бидаш отау құрды. Бұл туралы Кешьюдің бұрынғы солисі өз Instagram парақшасында жазды.

Эстрада жұлдызы Балжан Бидаш бірден оқырмандарынан сүйінші сұрап, өз қуанышын бөлісті. Жақында ғана Түркиядан оралған отандық әнші Отарғалиевпен көрші елде табысқанын айтады.

"Міне, енді ресми түрде құттықтасаңыздар болады. Бұл әзіл емес. Стамбул бізді табыстырды. Алла некемізді мәңгілік еткей",- деп жазды ол.

Cүйінші жаңалықты Жахан Отарғалиевтің өзі де жариялады. Желі қолданушылары қос ғашыққа жылы лебіздерін білдіріп жатыр. Олар жас жанұяға тек бақыт тілеген.