"Тақтар таласының" жалғасы қашан шығады: Түсірілім алаңынан суреттер таралып кетті

Танымал "Тақтар таласы" телехикаясының приквелі "Айдаһардың үйі" телехикаясы жарыққа шығатын болды. Бұл туралы НВО арнасы өз Twitter-аккаунтында жария етті.

Желіде телехикая әртістерінің жаңа жоба сценариін оқу үшін бас қосқан сәтінен фото тараған. Фотодан басты рөлдердегі актерлерді байқауға болады.

Телехикаяда "Тақтар таласына" дейінгі үш жыл бұрынғы кезең көрсетіледі. Телехикаядан Таргариендер үйінің Вестеростағы гүлденген сәтін тамашалауға болады. Жобаға композитор Рамин Джавади тартылмақ. Телехикая желісі Джордж Мартиннің "От және қан" кітабы негізінде құрылады.

Премьера НВО Мах арнасында 2022 жылы болады деп жоспарлануда. HBO Twitter-аккаунтында түсірілім алаңынан суреттерді жария еткеннен бөлек, актерлердің суреті мен сомдайтын рөлдерінің сипаттамасын да назарға ұсынған.

Мәселен, Мэтт Смит, телехикаяның басты рөлдерінің бірі - Дэймон Таргариенді сомдайтын болады.

Премьера туралы көпшілікке жария етілгеннен кейін көп ұзамай актерлер Мэтт Смит (Дэймон Таргариен) және Эмма Д'Арсидің (Райнира Таргариен) Корноулл графтығында телехикаяға түсіп жатқан сәтінен суреттер желіге тарап кетті деп жазады dragon-tv.ru сайты.

Сонымен телехикаядағы актерлер тізімі келесідегідей:

Эмма Д’Арси (Рейнира Таргариен)

Оливия Кук (Алисента Хайтауэр)

Мэтт Смит (Деймон Таргариен)

Соноя Мидзуно (леди Мисария)

Стив Туссэн (лорд Корлис Веларион)

Ив Бест (Рейнис Веларион ханшайым)

Рис Иванс (Отто Хайтауэр)

Пэдди Консидайн (Визерис Таргариен)

Фабьен Франкель (сир Кристон Коль).