"Әлі жассыз": Ажырасқанын мәлімдеген Әуелбековаға оқырмандары қолдау білдірді

Қазақ эстрадасының жарық жұлдызы Мөлдір Әуелбекованың жеке өмірі бүгінде ел аузында. Әнші күні кеше ғана екінші некесі де сәтсіз аяқталғанын хабарлап, көпшілікке жайсыз хабарды жеткізген. Бұл орайда, әртістің жанкүйерлері желіде оған барынша қолдау көрсетуге тырысып, өз ақыл-кеңестерімен бөлісті, деп жазады KAZ.NUR.KZ тілшісі.

Жолдасымен айырылысып кеткенін хабарлаған Әуелбекованың жеке өмірі әлеуметтік желіде қызу талқыланып жатыр. Көпшілік әншіні қолдап, оған жылы лебізін білдіруде. Әртістің оқырмандары басынан ауыр кезеңді өткеріп жатқан жұлдызға қолдау көрсетті. Оған қоса, олар өз өмірлік тәжірибелеріне сүйене отырып, ақыл-кеңесімен бөлісті.

Желі қолданушыларының бірі Әуелбековаға өзін көпшіліктен жасырын ұстағысы келетін жандарға болашақта жоламауын ескертті.

"Екінші неке де сәтсіз аяқталғаны өкінішті. Негізі ел алдына шығуға, яғни инстаға суретін салғызбайтын, жасырын жүргенін қалайтын жандарға жоламаңызшы", "Мөлдір әлі жассыз ғой. Әлі де өз жарыңызды жолықтырарсыз", "Бақытты болыңыз. Мөлдір сіз жақында тұрмысқа шығып, бөпелі болған едіңіз ғой. Неге тұрмыста емеспін деп жаздыңыз? Мен сіз үшін қатты қуанып едім. Жақсы жігітке тұрмысқа шығыпты деп. Ех, еркектер. Не үшін? Алла екі дүние бақытын, жаннатын нәсіп етсін сізге! Балапандарыныз өссін, солардың рахатын көріңіз", - деп жазды көпшілік.