"Бірге бола алмаймыз": Динара Қырықбаева сүйіктісі туралы айтты
Жарияланған күні:
![Динара Қырықбаева Динара Қырықбаева](https://cdn.nur.kz/images/1120x630/c84c0aa0f85bb2f5.jpeg)
Әнші Динара Қырықбаева жеке өміріне қатысты сыр шертіп, сүйіктісі туралы айтып берді. Өнер иесі ұнататын адамы бар екенін растағанымен, онымен бірге бола алмайтынын жеткізді, деп жазады KAZ.NUR.KZ тілшісі.
Динара Қырықбаева әлеуметтік желіде бұған дейін кездесіп жүрген адамы бар екенін жазып жүрді. Алайда әнші өздерін жұп деп атаған жоқ.
Ал бұл жолы өнер иесі жеке өміріне қатысты бар шындықты ақтарды. Үш баланың анасы бүгінде ұнататын жаны бар екенін айтқанымен, онымен қарым-қатынас құра алмайтынын жеткізді.
"Өкінішке орай, біз бірге бола алмаймыз", - деп жазды Қырықбаева.
![Динара Қырықбаеваның Stories-і Динара Қырықбаеваның Stories-і](https://cdn.nur.kz/images/1120/0c2c59009eb494e4.jpeg)
Эстрада жұлдызы жеке өміріне қатысты ары қарай пікір білдіруден бас тартып, көпшілікке ата-анасы туралы айтып берді.
"Мен әкем сияқты ашық, ақкөңіл, жомарт, талантты әрі қонақжаймын. Әкешім, сізді қатты жақсы көремін. Денсаулығыңыз мықты болсын", - деп жазды әнші.
![Динара Қырықбаеваның Stories-і Динара Қырықбаеваның Stories-і](https://cdn.nur.kz/images/1120/e7cb4094e1e7c4d7.jpeg)
"Сұлулығым, ақылым, қонақжайлығым анама тартқан. Менің анам - керемет әйел. Талғамы мінсіз. Не істесеңіз де бәрі жоғары деңгейде болады. Сізді жақсы көремін", - деп жазды Динара.
Мақаланың түпнұсқасы: https://kaz.nur.kz/showbiz/1967194-birge-bola-almaimyz-dinara-qyryqbaeva-suiiktisi-turaly-aitty/