"Мен сені сүйем": Жеке ән кешінде жұбайына сезімін білдірген Дастан Оразбеков көпшілікті сүйсінтті (видео)
Жарияланған күні:
![Дастан Оразбеков жұбайымен Дастан Оразбеков жұбайымен](https://cdn.nur.kz/images/1120x630/910cf2262efff543.jpeg)
Дастан Оразбеков жеке кешінде жұбайына сахна төрінде сезімін білдіріп, тыңдармандарын сүйсінтті. Ол күні кеше Алматыда алғашқы концертін өткізген болатын, деп жазады KAZ.NUR.KZ.
Көпшілікке ұнаған концерттің үзіндісін Дастан Оразбековтің өзі Instagram парақшасында бөлісті.
"Мына гүл шоғы өзіңе, жаным. Сізді вальске шақыруға рұқсат етіңіз. Әрдайым осылай жанымда болшы! Қолдап жүрші! Мен сені сүйем", - деді Дастан Оразбеков сахнада жұбайына.
Осыдан соң әнші әйелімен сахнада вальс биледі.
Желі қолданушылары Дастан Оразбековтің жұбайына деген махаббатына риза болғанын жасырмады.
"Қандай керемет", "Ескірмейтін махаббат", "Дастанды өте қатты құрметтеймін", "Қанша жыл өнерде жүрсе де, Дастан жайлы бір жаман сөз естіген емеспін", "Отбасыңмен бақытты бол", "Керемет үлгі көрсеттің", "Бақыттарың баянды болсын", - деп жазды желідегілер.
Мақаланың түпнұсқасы: https://kaz.nur.kz/showbiz/2010101-zeke-kesinde-zubaiyna-sezimin-moiyndagan-dastan-orazbekov-kopsilikti-suisintti-video/