"Көжегім": Ләйлә Сұлтанқызы марқұм күйеуінің еркелеткен сәтін еске алды (видео)
Жарияланған күні:
Тележүргізуші Ләйлә Сұлтанқызы марқұм жұбайының қалай өзін еркелететінін еске алды. Күйеуі жайлы естелігін Ләйлә Сұлтанқызы Instagram парақшасында жариялады, деп жазады KAZ.NUR.KZ.
"Қайрекем (Қайрат Беркімбаев жұбайы - ред.) "көжегім" деп еркелететін. Көжектің тарихын айтып бергім келіп отыр. Қайрат қатты еркелеткенде "Ой, Құдай-ай, көжегім-ай менің" деп айтатын.
Неге қошақаным емес? Неге ботақаным емес? Білмеймін, неге екенін... Себебі, көжектің көзі бадырайып өмірге деген сүйіспеншілігі, еркелігі, нәзіктігі болғандықтан шығар... Ол да енді естелік", - деді тележүргізуші видеода.
Естеріңізге сала кетейік, 2022 жылдың қарашасында Ләйлә Сұлтанқызының жұбайы Қайрат Беркімбаев өмірден өткен болатын.
Мақаланың түпнұсқасы: https://kaz.nur.kz/showbiz/2017166-kozegim-laila-sultanqyzy-marqum-kuieuinin-erkeletken-satin-eske-aldy/
