"Денем тітіркеніп кетті": Төреғали Төреәлінің қарындасы 30 келі артық салмағы бар кезін көрсетті (видео)
Жарияланған күні:
![Дина Төреәлі Дина Төреәлі](https://cdn.nur.kz/images/1120x630/f7d4968165c9e950.jpeg)
Отандық әнші Төреғали Төреәлінің кенже қарындасы 30 келі артық салмағы бар уақытты көпшілікке көрсетті. Бұл жайлы Дина Төреәлі Instagram парақшасында айтты, деп жазады KAZ.NUR.KZ.
"Мына видеоны көріп, өткенімді еске түсіріп, бір жылап алдым. Кәдімгідей денем тітіркеніп кетті. Сол артық 30 келі салмақпен жүрген кезім.
Мен сіздерге "мүмкіндігінше ертерек бастау керек және белсенді әрекет ету керек" деп үнемі айтамын. Өзіңізді керемет ынталандыратын нәрсемен қоршап алыңыз. Мен бұл мәселені басқа ойлар болмағандықтан немесе басқа ісім болмағандықтан айтып отырған жоқпын. Менде де "Неге мен ертерек бастамадым? Ертерек бастағанда, мен өзімді мүлдем басқаша сезінетін едім" деген ой болған.
Болашақта бір істі дәл қазір бастағаның үшін өзіңізге риза боласыз. Күмәндануды азайтып, әрекетті көбейтіңіз. Бәрі өз қолыңызда", - деп жазды Дина Төреәлі.
Айта кетейік, Дина Төреәлі 2022 жылдың қарашасында ұзатылды. Сонымен қатар әншінің қарындасы жұбайымен мұсылманша некесін қидырып, көпшілікке күйеуін көрсетті.
Мақаланың түпнұсқасы: https://kaz.nur.kz/showbiz/2023517-denem-titirkenip-ketti-toregali-torealinin-qaryndasy-30-keli-artyq-salmagy-bar-kezin-korsetti-video/