"Он баланың тоғызы орыс тілінде сөйлеп жүреді": Сара Тоқтамысова балаларынан қазақша сөйлеуді талап ететінін айтты

Айтыскер Сара Тоқтамысова бүгінде үш бала тәрбиелеп отыр. Өнер иесі "Кімнің есінде" бағдарламасында балаларының қай тілде сөйлейтінін айтты, деп жазады KAZ.NUR.KZ.

"Тіл тазалығына қатысты сұрақ болса, мен ұялыңқырап жауап беремін. Үлкен ұлым айтыс десе, қазақша сөйлеу, талқылау десе тілі шұрайлы. Екінші ұлыма келгенде, "Қазақша сөйле" деп ескертемін. Бірақ есіктің алдына шығады. Баланы байлап отырмайсың ғой. Ойнап жүрген он баланың тоғызы орыс тілінде сөйлеп жүреді. Сыныпта орысша сөйлеп жүреді. Ата-аналар орыс тілінде сөйлейді. Олар орыс тілінде сөйлегесін, балалар қандай тәлім алып жатыр?

Қазір қызыма бәрін тек қазақ тілінде қосып қоятын болдым. Бірақ бұл іске асады ма? Оның ортасы қандай болады? Оны да Құдай біледі", - деді Сара Тоқтамысова.

Еске сала кетейік, осыған дейін Сара Тоқтамысова әкесінің айтысқа келуіне қарсы болғанын айтқан болатын.