Дильназ Ахмадиеваның әкесін Тоқаев орденмен марапаттады (фото)

Әнші Дильназ Ахмадиеваның әкесі "Ел бірлігі" орденімен марапатталды. Бұл жайлы өнер иесі Instagram-дағы парақшасында айтты, деп жазады KAZ.NUR.KZ.

"Бүгін әкем президент Қасым-Жомарт Тоқаевтан орден алды. Тоқаев "Ел бірлігі" орденін әкеме Қазақстан халқының бірлігіне қосқан үлесі үшін табыстады", - деп жазды әнші.

Суреттен Мұрат Ахмадиевтің президент Қасым-Жомарт Тоқаевтан марапат алған сәтін көруге болады.

Сонымен қатар әнші оқырмандарынан әкесіне жылы лебіз жазып, құттықтауды сұрады.

"Құттықтаймыз", "Зор денсаулық тілейміз", "Орденіңіз құтты болсын", "Өміріңіз ұзақ болсын", - деп пікір білдірді желідегілер.

Айта кетейік, Қазақстан Республикасының "Мемлекеттік наградалары туралы" заңының 16-1-бабына сәйкес "Ел бірлігі" орденімен азаматтар ұлт бірлігін нығайту және қоғамдық татулықты қамтамасыз ету жолындағы жемісті еңбегі үшін наградталады.