Әнші Нұржан Қалжан "Қазақстанның құрметті азаматы" атанды (фото, видео)
Жарияланған күні:
![Нұржан Қалжан Нұржан Қалжан](https://cdn.nur.kz/images/1120x630/cc0633c2ed88f3a6.jpeg)
Отандық танымал әнші Нұржан Қалжан "Қазақстан Республикасының құрметті азаматы" атанды. Қуанышты жаңалықты өнер иесінің өзі әлеуметтік желіде хабарлаған, деп жазады KAZ.NUR.KZ.
Ерекше марапатқа ие болып, қуанышы қойнына сыймаған әнші Instagram-дағы парақшасында жаңа жазба жариялады.
Ол марапаттау салтанатынан сурет пен видео жариялап, қалың көпшілікке "Қазақстан Республикасының құрметті азаматы" төсбелгісін көрсетті.
"Бүгін Астанада осындай марапатқа ие болдым ағайын. "Қазақстан Республикасының құрметті азаматы" төсбелгісіне ие болдым. Құттықтап шабыт беріп қойыңыздар. "Болар елдің баласы бірін бірі батырым дер" деп, қолдап қуанышымды қуанышқа жалғап жатсаңыздар содан асқан бақыт жоқ менде. Бұл жай төсбелгі, дегенмен де өзім шабыт алып, әлі алда талай жұмыс тұрғанын сезініп қайттым", - деп жазды Нұржан Қалжан.
Мақаланың түпнұсқасы: https://kaz.nur.kz/showbiz/2113059-qazaqstannyng-qurmetti-azamaty-anshi-nurzhan-halzhan-erekshe-marapatqa-ie-boldy-foto-video/