"Мүлдем жараспай тұр": сұлулық салонын ашқан Аша Матайдың киімі көпшілікке ұнамай қалды (видео)

Жақында отандық тележүргізуші Аша Матай сұлулық салонын ашты. Блогердің қуанышты сәтін бөлісуге өнердегі және өмірдегі әріптестері келді. Ал желі оқырмандарына оның киімі ұнамай қалды, деп жазады KAZ.NUR.KZ.

Аша Матай жолдасы Арман Қоңырмен түскен видеосын Instagram желісіндегі парақшасында жариялады. Ал видеодан тележүргізушінің салтанатты ашылу салтанатына сары көйлек пен қара пиджак киіп, ерекше көзілдірік таққанын аңғаруға болады.

Мұны көрген көпшілік оның стилін сынап тастады.

"Сары киім мен оверсайз костюм мүлдем жараспай тұр", "Анасы мен ұлы сияқты", "Неге үлкен әйел сияқты киінеді? Онсыз да үлкен көрінеді", "Костюм онша емес, бәрін құртып тұр", "Негізі Аша әдемі келіншек, бірақ мынау қандай сән?", "Мына көзілдірік болмады", "Мұндай маңызды күні әдемірек киім киюге болар еді", "Ерекше көрініп тұрған жоқсың"- деді жұрт.

Желі оқырмандарының арасында Аша Матайды жақтағандар да табылды.

"Неге теріс пікір жазасыздар?", "Барлығы әдемі жарасып тұр, біз білмейтін стиль шығар", "Бәрі жарасады", "Сұлу келіншек", - деп жазды олар.