Бағасы 300 мың теңгеге дейін: қазақстандықтар Голливуд жұлдызының қолтаңбасын сатуға шығарған (видео)

Жақында Астанада актер Мадс Миккельсеннің қатысуымен Comic Con гик мәдениеті фестивалі өтті. Фестивальден кейін ғаламторда оның қолтаңбасы сатылатыны туралы хабарландырулар пайда болды, деп хабарлайды КТК телеарнасы.

Телеарна мәліметінше, фестивальге басты қонақ ретінде дат актері келді. Жанкүйерлер Голливуд жұлдызымен суретке түсіп, қолтаңба алу үшін кезекке тұрды.

Кейбіреулер өнер иесінің қолтаңбасын сатып, ақша табуды көздеген. Фестиваль аяқталғаннан кейін сатылымға Миккельсеннің қолтаңбасы бар плакаттар шығарыла бастаған.

Плакаттардың бағасы шамамен 25-300 мың теңге аралығында, бірақ сатушылар нақты сатып алушыларға жеңілдіктер барын жазған.

Дереккөз: КТК

IMDb мәліметі бойынша Мадс Миккельсен 1965 жылы Данияның Өстербро қаласында дүниеге келген.

Актердің шығармашылық жолы 1995 жылы актердің туған жерінде жарық көрген "Диллер" фильмінен басталды. Уақыт өте келе Миккелсен өз отанындағы жұлдыз болып, кейін Голливудты бағындырды.

Көпшілік актерді Ганнибал телехикаясындағы Ганнибал Лектор рөлін сомдағанын жақсы біледі. Миккельсен сонымен қатар "Жұлдызды соғыстар", "Индиана Джонс" сияқты әйгілі рөлдерді ойнады. Marvel кинематография әлемінде зұлым кейіпкердің рөлін ойнады.

2020 жылы Миккельсен туған жері Данияда "Тағы бір-бірден" фильмінде басты рөлді сомдап, фильм "Шетел тіліндегі үздік фильм" номинациясы бойынша Оскар алған еді.