"Түнімен ұйқы жоқ": Роза Әлқожа отбасындағы жағдайды айтып, елді алаңдатып қойды

Қазақстандық танымал әнші Роза Әлқожа отбасындағы жағдайды айтып, елді алаңдатып қойды. Өнер иесі түнімен ұйықтамай жүргенін жеткізді, деп жазады KAZ.NUR.KZ.

Роза Әлқожа балалары ауырып, қатты уайымға салынғанын Instagram-дағы парақшасында айтты.

"Өскеменнен келгелі балалар ауырып, түнімен ұйқы жоқ. Байқағаным - барлық жерде мутацияға ұшыраған түрленген COVID жүр екен. Өйткені қай қалада болса да, диагноз бір. Тамақ іседі, қызуы көтеріледі, іші түйнеп ауырады, құсу, іш өту белгілері бар. Адамнан жауыз тіршілік иесі жоқ екен ғой ғаламда?! Рахмет саған, иммунитет! Қандай ауру болса да жеңіп келеміз, шүкір", - деп жазды өнер иесі.