"Адал болғанын қалаймын": әнші Алмас Кішкенбаев болашақ жары туралы айтты

Қазақстандық танымал әнші Алмас Кішкенбаев болашақ жары туралы сөз қозғап, оның қандай болғанын қалайтынын ашып айтты. Өнер иесі өмірдегі басты құндылықтарын атады, деп жазады KAZ.NUR.KZ.

Алмас Кішкенбаев Saltanat Live Youtube-арнасына ауқымды сұқбат беріп, болашақ жарына қатысты сұраққа жауап берді. Әнші оның бойынан қандай қасиеттерді көргісі келетінін айтты.

"Болашақ жарымның адал болғанын қалаймын. Бір ғана сөз, бірақ мұның ішінде көп нәрсе жатыр. Адал деген өте керемет сөз", - деп қысқа қайырды өнер иесі.

Сонымен қатар шоу-бизнес жұлдызы өмірдегі басты құндылықтары туралы айтты.

"Өмірдегі басты ұстанымым - адам боп қалу. Танымалдылықтың жүгі ауыр деп те, жеңіл деп те айтуға болады. Екі ұшы бар" , - деді Кішкенбаев.