"Әбден тоздырып кидім": Мақпал Жүнісова әлем аралаған тарихи образын көрсетті (фото)

Отандық танымал әнші Мақпал Жүнісова әлем аралаған кездерін еске алып, сахнаға киген тарихи көйлегі туралы айтты. Өнер иесі аталмыш образдың өмірінде алар орны ерекше болғанын жеткізді, деп жазады KAZ.NUR.KZ.

Мақпал Жүнісова бұл сахналық образы көптеген әлем елдерінде болғанын айтты. Әнші бұл көйлегін Шри-Ланка, Марокко және Үндістанға да киіп барған.

"Осы костюмді әбден тоздырып кидім. 1985-те "Гүлдер" ансамблі тіктіртіп берген. Бомбей қаласында 40 күн фестиваль Советской песни өтті. Қазақстаннан Бибігүл Төлегенова, "Мұрагер" ансамблі, мен және "Гүлдер" ансамблінің бишілері қатысты. 100 мыңдық стадионда күнде лық толы халық болатын.

Союзға кіретін Республиканың өнер шеберлерімен өткен керемет 40 күн өте шықты. Мәскеуден Алла Пугачёва, бишілері, В.Леонтьев, Грузия, Армения, Әзербайжан би топтары болған еді. Бұл көйлек Шри-Ланка, бүкіл Қазақстан облыстарына киіліп, 1989 жылы "Медеу" айдынында "Алтын Алма" фестивалінде соңғы рет кидім. Мароккада болғанда да киілген", - деп жазды өнер иесі Instagram-дағы парақшасында.