"Әке махаббатын сезіндірді": Raim Ерке Есмаханның үлкен ұлына көлік сыйлады (видео)

Raim жұбайы Ерке Есмаханның үлкен ұлына көлік сыйлады. Эстрада жұлдызы қуанышты жаңалығын Instagram желісіндегі парақшасында бөлісті.

Ерке Есмаханның айтуынша, Raim Муслимге нағыз әке махаббатын сезіндірген. Тіпті, мектебіндегі ата-аналар чатында да өзі отыратын көрінеді.

"Біз шаңырақ көтерген күннен бастап, Райм Муслимнің баскетболға құлшынысын арттыра бастады, ағылшын тілін дамыту үшін Англияда оқытты. Муслимнің тұйық мінезін ашудың жолдарын іздеді. Денсаулығына, араласатын ортасына, үйдегі тәрбиесіне қатты мән береді. Тіпті мектебіндегі ата-аналар чатында Райм отырады", - деп жазды әнші.

Осы ретте Ерке Есмахан Raim Муслимге көлік сыйға тартқанын айтты. Ол күйеуі үшін үнемі шүкіршілік айтатынын жасырған жоқ.

"Ең бастысы, осы кезге дейін сезінбеген "әке махаббатын" сезіндірді. Кішкентайынан ата-әжесімен бірге болған бала қазір, Аллаға шүкір, "папа, мама" деп толыққанды отбасында өсуде. Міне, бүгін әкесі Муслимге сыйлық жасап қуантты. Көлігің құтты болсын, балам.

Ақылды жігіт бол. Үмітімізді ақта. Артыңнан ерген ініңе үлгі бол. Өзіме жақсы жар ғана емес, балаларыма керемет әке нәсіп еткеніне Аллаға әрқашан шүкіршілігімді аямай айтып отырамын", - деп жазды ол.