"Бір үйдің ақшасы кетті-ау": Абай Бегейдің 16 жастағы қызының жасауы қызу талқыға түсті (видео)

Отандық танымал әнші Абай Бегейдің отбасы арнайы Ақтауға барып, жақында тұрмысқа шыққан қызы Сымбаттың жасауын табыстады. Ерекше отбасылық сәт желіде бірден қызу талқыға түсті, деп жазады KAZ.NUR.KZ.

Абай Бегейдің келіншегі мен үлкен қызы Instagram желісінде жарыса видео жариялап, қалың көпшілікке қыз жасауын табыстаған сәтті көрсетті.Бейнежазбада Сымбат Абайқызының жеңгелері оның артынан келген дүниесін таныстырып жатқанын көруге болады.

Жұлдызды жанұя қыз жасауына бағалы әрі сапалы заттарды алған. Олар арнайы көрпелерін тіктіртіп, соңғы үлгідегі ыдыс-аяқ тарту еткен. Оған қоса Сымбат Абайқызына күнделікті және мерекелік кештерге киюге арналған түрлі бренд образдарды алып келген.

"Қыз бергеннен келін алған оңай ма?" деп қалдық. Сағат таңғы 2:ОО. "Жұмыла көтерілген жүк жеңіл" деп әжелерім, жеңгелерім, достарымды шақырдық. Бәріміз жүкті тас тұйнақтай етіп жинап, дайындап қойдық. Сіз де қыз ұзатып, келін алып бүкіл жиған-тергеніңізді осындай қуанышты күнге шашыңыз. Қалың малсыз қыз болса да, кәдесіз қыз болмайды. Әне-міне дегенше бұл күн де келіп жетті. Жалпы қыздың жүгін 6 жастан жинаса асады, 7 жастан жинаса жетеді деген сөздің түпкі мағынасын енді түсініп жатырмыз", - деп жазды Ерке Ниязқұлова.

Қыз жасауы табысталған соң құдалардың киіт кигізу рәсімі өтті. Қос тарап бір-біріне қымбат жағалы киім, бриллиант бұйымдар мен қаракүзен тон сыйлады.

Желі қолданушылары әншінің қызының жасауын қызу талқылап жатыр. Көпшілік жұлдызды жанұя бір үйдің ақшасындай қаржы жұмсағанын болжап жазуда.

"Ақтаудан қыз алуға қорқып қалдық", "Ас та, төк ысырапшылдық екен", "Бір үйдің ақшасы кетті-ау. Ыдысының өзі миллион теңгеден асады", "Бізге де жұғысты болып, осылай жасау жинайық", "Бәрі жақсы тек зат мен киім өте көп екен", "Артық шығын деп есептеймін", - деп жазуда көпшілік.