Жахан Отарғалиев бала кездегі арманы орындалғанын айтты (видео)

Қазақстандық танымал актер Жахан Отарғлаиев желіде жаңа жазба жариялап, бала күнгі арманы туралы сыр шертті. Өнер иесі өзінен үлкен әпкесі болғанын қатты қалағанын айтты, деп жазады KAZ.NUR.KZ.

Жахан Отарғалиев бала кезден бері келе жатқан арманын Instagram желісінде орындады. Актер керек кезде қолдап, ұрысатын жерде ұрысып беретін әпкесін тапқанын хабарлап, онымен түскен видеосын да бөлісті.

"Менің бала кезімнен өзімнен үлкен әпкем болса ғой деп армандайтынмын. Енді Астанаға келіп, Нұргүл Даубаевмен таныссам менің жерлесім, оның үстіне қанымыз бір, руласым болып шықты. Содан бала кездегі арманымды желіде орындайын деп шештім. Себебі менің әпкем тура осындай айқай болатын еді деп ойлаймын. Мендей інімен айқайламау мүмкін емес", - деп жазды Жахан Отарғалиев.