"Жалықтырмайды": Мейрамбек Бесбаев образын өзгерткен Балжан Бидашты танымай қалды

Қазақ эстрадасының жарық жұлдызы Мейрамбек Бесбаев өнердегі қарындасы Балжан Бидашты сахнада танымай қалды. "Кешью" тобының бұрынғы әншісі образын өзгертіп, отандық жобада көпшілікті таңғалдырған, деп жазады KAZ.NUR.KZ.

Балжан Бидаш "Хабар" арнасындағы "Cover Show" бағдарламасына қатысып, Тұрар Ыдырыстың "Мен ешкімді сүймеймін" деген әнін орындаған.

"Кешью" тобының бұрынғы мүшесін қазылар алқасы танымай қалған. Бұл ерекше сәтті Балжан Бидаш Instagram-дағы парақшасында бөліскен. Онда Мейрамбек Бесбаев әнші аруды мақтап жатқанын көруге болады.

"Балжанды танымай қалдық қой. Әр кезде әр түрлі образдар жасайды. Әртіс деген осындай болу керек шығар деп ойлаймын. Әр кезде әр түрлі құлпырады. Балжан жалықтырмайды. Ән айтқанда мүлдем ерекше. Тұрардың әнін де ерекше стильде орындап шықты. Керемет орындау болды. Құтты болсын. Осылай әдемі болып жүре бер", - деді Бесбаев.