Шымкентте Орталық Азия елдері театрларының IX халықаралық фестивалі өтпек

6-11 қараша аралығында Жұмат Шанин атындағы Шымкент қалалық академиялық Қазақ драма театрының 95 жылдығына арналған Орталық Азия, түркітілдес мемлекеттер мен Қазақстанның кәсіби театр ұжымдары қатысатын Орталық Азия елдері театрларының IX халықаралық фестивалі өтеді. Бұл туралы KAZ.NUR.KZ хабарлайды.

Фестиваль туралы ақпарат Шымкент қаласы Өңірлік коммуникация қызметінің Instagram-дағы парақшасында жарияланды.

Фестиваль құрылтайшысы – Мәдениет және ақпарат министрлігінің Мәдениет комитеті. Ұйымдастырушы - Мұхтар Әуезов атындағы Қазақ ұлттық драма театры.

Фестивальдің мақсаты мен міндеттері:

• Орталық Азия елдері мен түркітілдес мемлекеттердің театр мен өнер саласындағы ынтымақтастығын нығайту;
• Бірлескен шығармашылық жобаларды іске асыруда әріптестік қатынастарды қалыптастыру және талантты да шығармашыл жастарды қолдау;
• Көрермендер назарын заманауи театр өнерінің жетістіктеріне аудару.

Алдағы уақытта қатысушы театрлар мен қойылымдар тізімі жарияланады.