"Жазда үлкен той": Ерке Есмахан жақсы жаңалығын бөлісті

Қазақстандық шоу-бизнес жұлдызы Ерке Есмаханжеліде жақсы жаңалығын жария етіп, жанкүйерлерін қуантты. Өнер иесі келер жылы жазда үлкен той болатынын хабарлады, деп жазады KAZ.NUR.KZ.

Ерке Есмахан алдағы уақытта өзінің және ұлының туған күнін тойламайтынын айтып, елді таңғалдырған. Есесіне өнер иесі жолдасы екеуі отбасылық қуаныштарын біріктіріп, жазда үлкен той жасауға ниетті екенін жеткізді.

Бұл туралы әнші Instagram-дағы парақшасында хабарлаған.

"Қарашаның 23-і Исламның туған күні, ал 30-ы менің туған күнім болады. Екі туған күнді де тойламаймыз. Өзіміз үйде боламыз. Алла бұйыртса, бәрін қосып, жазда үлкен той жасаймыз деп отырмыз. Туған күндер, қоныстой, тұсаукесер, сүндет той, бәрі бұйыртса жазда болады. Жылдың ең үздік тойы болады", - деп жазды Ерке Есмахан.