Қарғыс атқан халық: Алматыда қайыр сұрайтын "сығандардың" басты құпиясы ашылды

Алматы көшелерінде баласын көтеріп, қайыр тілеп жүретін әйелдерді жиі байқауға болады. Көпшілік олардың қайдан келгенін, қай ұлттан екенін білмейді. NUR.KZ редакциясының тілшісі баласын көтеріп, қайыр тілеп жүрген келімсекті сөзге тартқан еді.

"Бізде жұрт жоқ, әр жерде осылай жүреміз. Сығандар олар "русскийлер", біз - мұсылман, лолылармыз. Біздің арғы аталарымыз Ло деген жігіт пен Лы деген қыз болған, олар туыс бола тұра, үйленіп қойыпты. Содан біздің үлкендеріміз оларды қарғап, "лолы" деп атап кеткен. Елден қуылған соң, олар қол жайып, қайыр тілеп күн көреді", - дейді келіншек.

Ману бізбен қазақ тілінде еркін сөйлесті. Қолында алты айлық баласын көтеріп, Алматыда жүргеніне екі жарым жылдан асыпты. Бұлар сығандардың шығыстағы бір тармағы, өздерін мұсылман санайды. Келіншектің айтуынша, ол көзін ашқалы қайыр тілеумен айналысады екен.

"Біз оқымаймыз, киінбейміз, қыдырмаймыз. Қайыр сұрамасақ болмайды, ауырамыз. Күйеуім "стройкада" істейді, қызым мен ұлым «Саламат» базары жақта жүр. Өзім Арбатта қайыр тілеймін. Алматыда ақша көп, адамдары "добрый". Өткен жылы Астанада болғанбыз, ол жақта ақша аз, адамдары да  жаман", - дейді қайыр тілейтін келіншек.

Манудың айтуынша, Алматыда күн сайынғы табысы кемінде  1500-2000 теңгені құрайды. Ал жұма күндері он мыңға дейін табыс табатын кездері болады екен. Күн сайын таңғы сағат жетіде жол тосатын келіншек баласын арқалап, үйіне түн бата барады.

"Таңғы бесте тұрамыз, намаздан кейін көшеге кетеміз. Кешке үйде жиналамыз. Қыста "квартир" жалдаймыз, жазда палаткада жатамыз. "Квартирымыз" Дархан ауылында. Ақша жетпейді, баламның памперсі бар, тамағымыз бар. Оның үстінде көшеде қайыр тілегеніміз үшін "аренда" төлейміз", - дейді Ману.

Иә, Алматы көшелерінде тыныш қана қайыр сұрау үшін олар өздеріне бас-көз болып отырған адамдарға күндік табысының бір мөлшерін беріп отырады.  Бастықтарын өздері де көрмеген, тек кешке бір жігіт келіп, ақша жинап  кетеді екен.

Айта кетерлігі, Мануды әңгімеге тартқанымыз үшін ақша төлеуге тура келді. Манудың Тәжікстанда өз үйі бар. Ол Алматыда ақша үшін жүргенін, біраз жылдан соң еліне қайтатынын айтты.

Бұл жаңалықты Whatsapp арқылы немесе әлеуметтік желіде бөлісіңіз

⇓⇓⇓

Тағы оқыңыздар:

Футболшылар мінген автобуста бомба жарылып, қорғаушы зардап шекті

Танымал рэпер концертте өзіне жармаса кеткен тыңдарманын ұрып жіберді (видео)

Қос жанарынан айырылған алматылық егіздерге шығысқазақстандық кәсіпкер көмектесті

Ломбардта жұмыс істеген алматылық бойжеткен жұмбақ жағдайда жоғалып кетті (фото)