Қорғаныс министрлігі Арыстағы снаряд жарылысына қатысты пікір білдірді

ҚР Қорғаныс министрінің орынбасары Бақыт Құрманбаев Арыс қаласында болған жаңа жарылысқа қатысты түсініктеме берді деп хабарлайды Түркістан облысы әкімдігінің баспасөз қызметіне сілтеме жасаған KAZ.NUR.KZ.

Оның сөзінше, әскери қызметкерлер Арыс маңындағы аумақты тексеру және тазалау жұмыстарын жүргізеді.

"Инженерлік-саперлік бөлімшелердің оқ-дәрілердің фрагменттерін жинау жұмыстары барысында арсеналға тікелей іргелес жатқан аумақта жеке оқ-дәрілердің жоспарлы түрде үзілуі орын алды, нәтижесінде өрт шықты", - деді Құрманбаев қалалық әкімдікте өткен брифинг барысында.

Ол өрт ошағының жойылғанын атап өтті. Сонымен қатар, тұрғындар үшін ешқандай қауіп жоқ екенін де сөз етті. Дегенмен, министрлік арсенал аумағына саперлік жұмыстар аяқталған сәтке дейін жақындауға тыйым салынатынын тағы да еске салады.

Сондай-ақ, Қорғаныс министрлігінде күдікті заттар табылған жағдайда дереу 112 және 102 телефондарына қоңырау шалу қажет екені атап өтілді.

Сонымен қатар, брифингте өңірлік ТЖД басшысы Нұрғали Жүнісов сөз сөйледі. Ол ведомство қандай жұмысты жүргізетінін айтты.

Жүнісов атап өткендей, Арыс қаласында өрт қауіпсіздігі жағдайы тұрақты.

Сондай-ақ, облыстық клиникалық аурухананың бас дәрігері Арыс қаласының 17 секторындағы жедел жәрдемнің тұрақты кезекшілігі туралы айтты.