Коронавирус жұқтырған 72 жастағы әжей дәрі-дәрмексіз жазылып шықты
Жарияланған күні:
Таиланд тұрғыны бір апта Қытайдың Ухань қаласында болған. Дәл сол кезде қалада қатерлі вирус белең алды деп хабарлайды KAZ.NUR.KZ "Настоящее время" басылымына сілтеме жасап.
![Кадр "Настоящее время" видеосынан алынды Кадр "Настоящее время" видеосынан алынды](https://cdn.nur.kz/images/1120/02089de3c8425e28.jpeg)
Ухань қаласында егде жастағы Таиланд азаматшасы коронавирус жұқтырып алған. Басында әжей өзін шаршағандықтан жайсыз сезіндім деп ойлап, мән бермеген.
Кейіннен аурудың белгілері анықталған соң оны ауруханаға жатқызған.
Алайда, ең қызығы – дәрігерлер әжейге вирусқа қарсы ешқандай дәрі-дәрмек бермепті. Оның ағзасы өз күшімен вирусты жеңіп шыққан.
Еске сала кетейік, 2019 жылғы 31 желтоқсанда Қытай билігі Ухань қаласында пневмонияның өршуі туралы мәлімдеді. Аурудың қоздырғышы – коронавирустың жаңа түрі 2019-nCoV екені анықталды.
Соңғы деректерге сәйкес, Қытайда коронавирустан көз жұмғандар саны 636 адамға жеткен. Ал өлімге әкеп соғатын дертке шалдыққандар саны – 31 161 адам. Сондай-ақ елде вирустан құлан-таза айығып кеткендер де бар. Олардың саны – 1540.
Аспан асты елінен тыс жерде 190-нан астам адам қатерлі вирусқа шалдыққан, олардың біреуі қаза тапты. Дүниежүзілік денсаулық сақтау ұйымы аталған вирустың өршуін халықаралық маңызы бар төтенше жағдай деп таныды.
Сондай-ақ Германияда 13 адам коронавирустың жаңа түрін жұқтырған.
Ал Ауғанстанның солтүстік-шығысында орналасқан Бадахшан провинциясында пневмонияға ұқсас белгілері бар аурудан кем дегенде 13 бала көз жұмды.
Ең маңызды әрі қызықты жаңалықтарды біздің Telegram арнамыздан оқыңыздар!
Мақаланың түпнұсқасы: https://kaz.nur.kz/society/1839996-koronavirus-zktyrgan-72-zastagy-tailand-azamaty-dri-drmeksiz-zazylyp-sykty/