Алматы облысында қалың қардан 25-тен астам көлік кептеліп қалды (фото, видео)

Алматы облысындағы трассаны қар басты. Салдарынан жазғы дөңгелегі бар көліктер тас жолдың биік белесіне шыға алмай, кептеліп қалғандықтан, ондағы адамдарды шұғыл эвакуациялауға тура келді. Бұл туралы KAZ.NUR.KZ порталы Алматы облысы ТЖМ ресми Telegram каналына сілтеме жасап хабарлайды.

Оқиға бір күн бұрын, 6 қазанда болған. Түнгі сағат 16:40 шамасында Төтенше жағдайлар министрлігіне Кеген-Ақсай тас жолының 15-ші шақырымында, Кеген асуында қалың қардың салдарынан көліктер кептеліп қалды деген хабарлама келіп түсті. Көп ұзамай оқиға орнына құтқарушылар келді.

«Оқиға орнына келген кезде Кеген облысы Төтенше жағдайлар департаментінің қызметкерлері 7-8 сантиметр биіктікте жауған қардың салдарынан жазғы дөңгелегі бар көліктер жолдың биік белесіне көтеріле алмайтынын, жалпы асуда 27 автокөлік тұрып қалғанын, оның 6-ы жүк машиналары екенін анықтады», - деп хабарлады облыстық төтенше жағдайлар департаментінде.

Құтқару жұмыстары кезінде Кеген ауылындағы төтенше жағдайлар бөлімінің қызметкерлері төрт адамды - ауруханаға бара жатқан ер адамды, сондай-ақ екі баласы бар әйелді эвакуациялады.

Сонымен қатар, «Казахавтодор» ЖШС қызметкерлері жолды тазалап, инертті материалдарды жолға сеуіп шықты. 21:42-дегі жағдай бойынша ауданда қар тоқтап, көліктер транзиттік режимде өтіп жатыр. Оқиға салдарынан зардап шеккендер мен қаза тапқандар болған жоқ.

Мұндай жағдайларды болдырмау үшін Алматы облысының Төтенше жағдайлар департаменті бірнеше ережелерді сақтауға кеңес береді:

1. Жолға шықпас бұрын ауа-райы жағдайларына және дауыл туралы ескертулерге назар аударыңыз. Қар аралас жауын-шашын болжанған жағдайда жолға шықпаған абзал;

2. Жазғы дөңгелектерді қысқы дөңгелектерге ауыстырып алыңыз және көлігіңізде келесілер барына көз жеткізіңіз:

- күрек пен балта;

- жылы киімдер;

- сіріңке мен шам;

- азық-түлік және жағар май қоры;

- құралдар жиынтығы және сүйрейтін арқан;

- зарядталған ұялы телефон.

Еске салсақ, бұған дейін біз Алматы қаласында алғашқы қар жауғанын жазған едік.

Сондай-ақ, бұған дейін Шығыс Қазақстан облысының таулы аймақтарына қар түскенін жазған болатынбыз.