"Өз сөзіңе жауап бересің": Өскемен әкімі даулы оқиғадан кейін тұрғынмен кездесті

Өскемен қаласы әкімінің кеңесшісі Әлібек Лесбекұлы өзінің Instagram парақшасында әкім мен жергілікті тұрғынның суретін салған пост жариялады. Ер адамдар жақында интернетте жанжалдасып қалған еді деп хабарлайды KAZ.NUR.KZ.

Жақсылық Омардың кеңесшісінің айтуынша, Өскемен қаласының әкімі мен белсендінің арасындағы хат-хабар оқиғасы татуласумен аяқталған.

"Жеке әңгімелесу кезінде олар ортақ тіл тапты, бір жағынан билікті сынау керек, бірақ екінші жағынан, ол сындарлы болуы керек және жеке басқа өтпеуі керек деген пікірге келді. Біз бұл кикілжің шешілді деп санаймыз", – деп жазды Әлібек Лесбекұлы.

Еске салсақ, әлеуметтік желіде Өскемен әкімі Жақсылық Омардың жазған хаты қызу талқыланған еді. Қала басшысы оқиғаға қатысты пікір білдірген болатын.

Оған қоса, Өскеменде жас жігіт бір пәтерге екі рет ұрлыққа түсіп, бағалы заттар мен бір жасар торайды алып кеткен.

Тергеу барысында аталған іс бойынша айыпталған 19 жастағы жігіт жәбірленуші әйелдің досы болып шыққан. Ол бірнеше уақыт бұрын жолдасының үйінде тұрып, жұмысқа кетіп бара жатқан үй иесі кілтті қайда қалдыратынын білген.

Сондай-ақ, 21 қазанда Өскемен қаласының тұрғындары қатты гүріл естіді. Жарылыстар түстен кейін орын алған. Жергілікті тұрғындар әлеуметтік желілерде жарылыстар туралы ақпаратпен бөлісті. Жоспарланған жарылыс жұмыстары қаланың 25-ші шағын ауданында жүргізілген болып шықты. Инженерлік инфрақұрылымның, кварталішілік сумен жабдықтау желілерінің құрылысы жүргізіліп жатқаны белгілі болды. Жару жұмыстарын "Kaz Explo Servis" ЖШС жүргізді.