RU

ШҚО-да жантүршігерлік жол апаты болып, төрт адам қаза тапты (видео)

Тас жол
Көрнекі фото: pixabay.com

Шығыс Қазақстан облысында үш көліктің қатысуымен жантүршігерлік жол апаты болып, салдарынан төрт адам қаза тапты. Қайғылы жағдай туралы толығырақ облыстық полиция департаменті айтып берді деп жазады KAZ.NUR.KZ.

Адам өліміне алып келген жол көлік оқиғасы 18 шілде күні 15.00 шамасында Үржар өңіріндегі Мақаншы - Жалаңашқұл тас жолының 128/22-ші шақырымында болды.

Апатқа үш көлік қатысқан: Geely, Kia Sportage және Lada.

Салдарынан Geely жүргізушісінің 48 жастағы әйелі мен 13 жасар ұлы, сонымен қатар Lada жүргізушісінің 47 жастағы әйелі мен 18 жастағы қызы қаза тапты.

Екі көліктің жүргізушілері мен Geely-дің жолаушысы дене жарақатымен аудандық ауруханаға жеткізілген.

Аталған факт бойынша Қылмыстық кодекстің 345-бабы, 4-бөлігі ("Жол ережелерін бұзу, абайсызда екі немесе одан да көп адамның өліміне әкеп соқтыру") бойынша сотқа дейінгі тергеу басталды.

Қазіргі уақытта оқиғаның барлық мән-жайы нақтыланып жатыр.

Мақаланың түпнұсқасы: https://kaz.nur.kz/society/1922989-sqo-da-zantursigerlik-zol-apaty-bolyp-tort-adam-qaza-tapty-video/