БҚО-да қыз алып қашқан көлік иесі үш жылқыны қағып кетті
Опубликовано:
Батыс Қазақстан облысында қыз алып қашқан көлік иесі үш жылқыны қағып кетті. Салдарынан бес адам зардап шекті деп хабарлайды Азаттық рухы.
Басылым таратқан ақпаратқа сәйкес, 30 тамыз түнгі сағат 22:30-да Бөрілі-Ақсай-Жымпиты автожолының 27 шақырымында - Пугачев елді мекенінің маңында жол апаты болған.
Бұл ақпаратты Батыс Қазақстан облыстық полиция департаментінің баспасөз қызметі растап отыр.
Ведомство 21 жастағы LADA Priora жүргізушісі жол бойындағы үш жылқыны қағып кеткенін жеткізді.
Зардап шеккендердің сөзінше, олар Орал қаласынан қыз алып қашып, Ақсай қаласына қарай бет алған. Жол апаты салдарынан 5 адам зардап шекті. Олардың төртеуі жансақтау бөлімінде, бірі хирургиялық көмек алуда.
Мақаланың түпнұсқасы: https://kaz.nur.kz/society/1929629-bqo-da-qyz-alyp-qasqan-kolik-iesi-us-zylqyny-qagyp-ketti/
