Василий Левит басшылық қызметке тағайындалды
Жарияланған күні:
![Василий Левит Василий Левит](https://cdn.nur.kz/images/1120x630/1c8e504df68d190e.jpeg)
Олимпиада ойындарының күміс жүлдегері Василий Левит Сыбайлас Сыбайлас жемқорлыққа қарсы іс-қимыл агенттігі Қызметкерлерді физикалық шынықтыру басқармасының басшысы болып тағайындалды. Бұл туралы агенттік Telegram-дағы ресми арнасында хабарлады.
Ведомствоның мәліметінше, Василий Левитке Сыбайлас жемқорлыққа қарсы қызмет қызметкерлерінің дене шынықтыру деңгейін арттыру, сондай-ақ агенттікті құқық қорғау органдарында танымал ету міндеті қойылған.
Айта кетейік, Василий Левит 1988 жылы Қостанай облысында дүниеге келген. Білімі жоғары.
Еліміздің еңбек сіңірген спорт шебері, екі Олимпиада ойындарының қатысушысы, 2016 жылғы Рио-де-Жанейрода өткен Олимпиада ойындарының күміс жүлдегері, Әлем чемпионатының екі дүркін қола жүлдегері (2017, 2019), Қазақстан тарихындағы алғашқы үш дүркін Азия чемпионы (2009, 2015, 2017), Азия чемпионатының екі дүркін жүлдегері (2019, 2021), бокстан халықаралық және ұлттық жарыстардың бірнеше дүркін жеңімпазы.
Ел дамуына қосқан үлесі үшін 2 дәрежелі "Барыс" орденімен марапатталған.
Мақаланың түпнұсқасы: https://kaz.nur.kz/society/1990042-vasilii-levit-bassylyq-qyzmetke-tagaiyndaldy/