Нұрлан Мәсімовтің ісі қайтадан сотқа жіберілді

Павлодар облысы полиция департаментінің бұрынғы басшысы Нұрлан Мәсімовтің қылмыстық ісі қайтадан сотқа жіберілді. Бұл туралы облыстық соттың баспасөз қызметі хабарлады, деп жазады KAZ.NUR.KZ.

Соттың мәліметінше, 2023 жылдың 1 қаңтарынан бастап сыбайлас жемқорлық қылмыстар туралы істерге қатысты прокурор айыптау актісін жасайды, ал сотқа дейінгі тергеп-тексеру органы тек сотқа дейінгі тергеп-тексерудің аяқталғаны туралы хаттама жасайды.

"Апелляциялық сатыда прокурор сот алқасына жаңа айыптау актісі жасалғанын, онда жіберілген қателіктер түзетілгенін, алдын ала сөз байласу бойынша адамдар тобы аса ірі мөлшерде сеніп тапсырылған мүлікті иемдену жолымен бөтеннің мүлкін ұрлауды жасауға арналған бірыңғай ниет туралы айыптаудың мәні толық сипатталғанын хабарлады", – деп хабарлады Павлодар облыстық соты.

Алқа қылмыстық істі прокурорға қайтару туралы қаулының күшін жойып, істі қарау үшін қылмыстық істер жөніндегі мамандандырылған ауданаралық сотына жіберді.