"900 мың теңгені алып кеткен": Жамбыл облысында қарақшылық шабуыл жасалды (видео)
Жарияланған күні:
![Күдіктілердің ұсталып, ақша тәркіленген сәт Күдіктілердің ұсталып, ақша тәркіленген сәт](https://cdn.nur.kz/images/1120x630/457dde308ce2dbcb.jpeg)
Жамбыл облысының полицейлері қарақшылық шабуыл жасады деген күдікпен үш жігітті ұстады, деп хабарлайды Telegram-дағы "ҚР ІІМ жаңалықтары" арнасы.
ІІМ мәліметінше, Жамбыл облысының Жамбыл аудандық полиция бөліміне Тараздың 27 және 37 жастағы тұрғындары қарақшылық шабуыл жасалғанын айтып, арыз түсірген.
Олардың сөзінше, Тараз – Қаратау тас жолында нөмірі жоқ Lada Priora автокөлігімен жүрген үш белгісіз адам пышақ тәрізді затты қолдану арқылы күш көрсетiп, 900 мың теңге ақшасын алып кеткен.
"21, 22 және 24 жастағы күдіктілер ұсталды. Тінту барысында олардан 794 мың теңге алынды. Күдіктілердің айтуынша, олар шабуылды алдын ала жоспарлаған", – дейді полиция өкілдері.
Қазір аталмыш фактіге қатысты Қылмыстық кодекстің 192-бабы 2-бөлігі ("Қарақшылық") бойынша сотқа дейінгі тергеу амалдары басталған.
Күдіктілер уақытша ұстау изоляторына қамалған.
Мақаланың түпнұсқасы: https://kaz.nur.kz/society/2010609-900-myn-tengeni-alyp-ketken-zambyl-oblysynda-qaraqsylyq-sabuyl-zasaldy-video/