Қостанай облысында аялдаманы соққан 26 жастағы мас жүргізуші ұсталды
Жарияланған күні:
Қостанай облысында полиция қызметкерлері аялдаманы соққан 26 жастағы мас жүргізушіні ұстады, деп хабарлайды "ҚР ІІМ жаңалықтарының" Telegram-арнасы.
Арқалық қаласының полиция қызметкерлері аялдамаға соғылған жүргізушіні ұстады. Абырой болғанда жол-көлік оқиғасы кезінде аялдамада адамдар болмаған.
"26 жастағы жүргізуші ВАЗ 2112 автокөлігін басқарып, қоғамдық көлік аялдамасына соғылған. Полиция қызметкерлері жүргізушіні куәландыру үшін медициналық мекемеге жеткізді. Ол мас күйінде болған", – дейді құқық қорғау өкілдері.
ӘҚБтК-нің 608-бабы бойынша әкімшілік хаттама толтырылды.
"Баптың санкциясы 20 тәулік мерзімге қамауға алуды және 7 жыл мерзімге автокөлікті басқару құқығынан айыруды көздейді", – деп түсіндірді полиция өкілдері.
Мақаланың түпнұсқасы: https://kaz.nur.kz/society/2013383-qostanai-oblysynda-ayaldamany-soqqan-26-zastagy-zurgizusi-ustaldy/
