Елде "Қазақстанның халық әртісі" атағы қайтадан беріле бастайды
Жарияланған күні:
![Микрофон Микрофон](https://cdn.nur.kz/images/1120x630/6183a0e0eae73681.jpeg)
Қасым-Жомарт Тоқаев "Қазақстанның халық әртісі" атағын қайта қалпына келтіру туралы шешім қабылдағанын мәлімдеді, деп жазады Ақорданың Telegram арнасына сілтеме жасаған KAZ.NUR.KZ.
"Тағы бір маңызды мәселе бар. Мәдениет саласындағы саясатты жан-жақты ойластырып жүргізу керек. Қазір бұл саланы өркендету үшін жаңа тұжырымдама жасалып жатыр. Бұл құжат еліміздің мәдени мұрасын сақтау, насихаттау және ұлттық бірегейлікті нығайту ісінде шешуші рөл атқарады деп сенемін. Шығармашыл зиялы қауым көпшіліктің көңілінен шығатын, мемлекеттің мүддесіне сай келетін туындылар ұсынады деп үміттенемін. Осы ретте, креативті индустрияға жүйелі қолдау көрсету өте маңызды.
Адам капиталын тұрақты дамыту жылдам өзгеріп жатқан қазіргі әлемде табысты ел болудың басты кепілі болады деп санаймын. Біз ұлттың жаңа сапасын қалыптастыру арқылы әділетті мемлекеттің және үйлесімді қоғамның негізін қалаймыз. Мен "Қазақстанның халық әртісі" атағын қайта қалпына келтіру туралы шешім қабылдадым. Биыл қазан айында – Республика күнінде осы атаққа лайықты мәдениет қайраткерлерінің алғашқы тобы марапатталады", - деді президент.
Мақаланың түпнұсқасы: https://kaz.nur.kz/society/2014491-toqaev-qazaqstannyn-xalyq-artisi-atagy-qaitadan-berile-bastaitynyn-malimdedi/