ШҚО-да ағаштың басына өрмелеп, кейін түсе алмай қалған қыз бала құтқарылды
Жарияланған күні:
Шығыс Қазақстан облысына қарасты Риддер ауданында құтқарушылар биік ағашқа мініп, түсе алмай қалған он жасар қызды құтқарды, деп хабарлайды облыстық ТЖД-ға сілтеме жасаған KAZ.NUR.KZ.
2012 жылы туылған қыздың анасы құтқарушыларға телефон шалып, көмек сұраған.
Белгілі болғандай, оның қызы далада ойнап жүріп, биік ағаштың басына шығып алады. Кейін қайта түсе алмай қиналған ол қатты қорқып, жылап қалған.
Оқиға орнына келген құтқарушылар ұзын баспалдақты пайдаланып, сегіз метр биіктікке дейін өрмелеп кеткен қыз баланы жерге түсірді.
Осы орайда, ШҚО Төтенше жағдайлар департаменті балаларды қараусыз қалдырмауды ескертеді.
Мақаланың түпнұсқасы: https://kaz.nur.kz/society/2017904-sqo-da-agastyn-basyna-ormelep-keiin-tuse-almai-qalgan-qyz-bala-qutqaryldy/
