Ақтөбеде Қазақстан халқының бірлігі күні кең көлемде аталып өтті
Жарияланған күні:
![Ақтөбе қаласы Ақтөбе қаласы](https://cdn.nur.kz/images/1120x630/c1e61659b64899e9.jpeg)
Ақтөбе қаласында Қазақстан халқының бірлігі күні аталып өтті. Ақтөбеде басты мерекелік шара «Қазақ еліне мың алғыс» стелласында ұйымдастырылды.
Өңір басшысы Ералы Тоғжанов және қала әкімі Мұрат Жөребеков қала тұрғындары мен қонақтарын Қазақстанның көпұлтты халқының достығы мен келісімі мерекесімен құттықтады.
![Ақтөбе қаласы Ақтөбе қаласы](https://cdn.nur.kz/images/1120/e00314d9d009ea8c.jpeg)
«Халқымызда «Бірлік түбі – береке» деген дана сөз бар. Тәуелсіздік жылдарында біздің барлық қол жеткізген жетістігіміз бен табысымыз – бірлік пен татулықтың арқасында.
Мемлекет басшысы Қасым-Жомарт Кемелұлы Тоқаев Қазақстан халқы Ассамблеясының 32-сессиясында «Еліміздің тәуелсіздігі және аумақтық тұтастығы бәрінен қымбат. Ел бірлігі осы мызғымас құндылықтармен қатар тұруға тиіс. Сонда ғана болашағымыз баянды болады» деген болатын.
«Әралуандылықтағы бірлік» қағидаты мемлекетіміздің саясаты мен Қазақстан халқы Ассамблеясы қызметінің негізгі бағыттарының бірі болды және бола береді», - дейді облыс әкімі.
![Ақтөбе қаласы Ақтөбе қаласы](https://cdn.nur.kz/images/1120/07bfb4ba3193943d.jpeg)
Ералы Тоғжанов пен Мұрат Жөребеков Ассамблея мүшелеріне, өңірдің этномәдени бірлестіктерінің басшыларына бейбітшілік, достық идеяларын түсіндіру бағытында атқарылып жатқан маңызды жұмыстар үшін алғысын айтты.
Сондай-ақ Ералы Тоғжанов бірлік пен тұрақтылықты нығайтуға елеулі үлес қосқан өңірдің 9 тұрғынына алғыс хат табыстады.
Олардың қатарында этномәдени бірлестіктердің, әлеуметтік саланың өкілдері, БАҚ қызметкерлері бар.
Мақаланың түпнұсқасы: https://kaz.nur.kz/society/2018976-aqtobede-qazaqstan-xalqynyn-birligi-kuni-ken-kolemde-atalyp-otti/