ҚТЖ пойыз билеттерінің қымбаттауына қатысты пікір білдірді

Ақтау тұрғындары пойыз билетінің бір жылда екі есе қымбаттағанын айтып, мұның себебін білгілі келген. "Қазақстан темір жолы" ұлттық компаниясы жағдайға қатысты түсініктеме берді, деп хабарлайды Lada.kz сайтына сілтеме жасаған KAZ.NUR.KZ.

Бақтияр есімді Ақтау тұрғыны өткен жылдың мамыр айында Ақтөбе облысындағы Әйтеке би кентіне пойыз билеті 8 мың теңге шамасында болса, бүгінде оның бағасы күрт көтеріліп, 15 мың теңгеге жеткенін айтты.

"Тарифтің көтерілуіне не себеп болды? Жол жүру уақыты, апта, күндері, маусымдық жолға шығу уақыты бірдей. Билет алатын шығын баптары өзгерген жоқ: жанар-жағармай, жалақы бағасы, ескі көліктер - бәрі сол күйінде қалды. Неліктен билет бағасы өсті?", - деп таңданды Бақтияр есімді тұрғын.

Ал "Қазақстан темір жолы" ұлттық компаниясының баспасөз қызметі басылымға хабарлағандай, бұл бағытта Маңғыстау – Семей хабарымен No37/38 пойыз жүреді.

"Бұл бағытқа ағымдағы жылдың ақпан айынан бастап "брендтік" санат берілді. Ол нормативтік құжаттарға сәйкес фирмалық тариф бойынша жүреді", - деп түсіндірді ҚТЖ.