"10 жылға дейін сотталуы мүмкін": полиция тұрмыстық зорлық-зомбылық үшін жаза күшейтілгенін еске салды
Жарияланған күні:
![Тұрмыстық зорлық-зомбылық Тұрмыстық зорлық-зомбылық](https://cdn.nur.kz/images/1120x630/26133ce89e94cd05.jpeg)
Ішкі істер істер министрлігі тұрмыстық зорлық-зомбылық үшін жауапкершілік күшейтілгенін еске салды. Бұл туралы Polisia.kz ақпараттық медиа-порталы жазды.
"19 мамырдан бастап "Қылмыстық сот ісін жүргізу, жазаны орындау, сондай-ақ азаптаулардың және басқа да қатыгез, адамгершілікке жатпайтын немесе ар-намысты қорлайтын қатынас түрлерінің алдын алу бойынша адам құқықтары мәселелері жөніндегі қылмыстық, қылмыстық іс жүргізу және қылмыстық-атқару кодекстеріне өзгерістер мен толықтырулар енгізу туралы" заң күшіне енді.
Бұл заң бойынша отбасылық-тұрмыстық саладағы құқық бұзушылықтар үшін де жауапкершілік күшейтілді", - деп жазады басылым.
Басылым мәліметінше, Қылмыстық кодекстің 106 (Денсаулыққа ауыр зиян келтіру) және 107-баптарында (Ауырлығы орташа) "кінәліге материалдық немесе өзге де тәуелділіктегі адамға қатысты іс-әрекет жасау" деген саралау белгілері енгізілген.
Егер бұрын 106-бап бойынша 3 жылдан 8 жылға дейінгі мерзімге бас бостандығынан айыру түріндегі жауапкершілік көзделсе, қазір жаза 6 жылдан 10 жылға дейін бас бостандығынан айыруды құрайды.
Сонымен қатар басылым әкімшілік немесе қылмыстық іс жүргізу жәбірленушінің арызынсыз басталуы мүмкін екенін де атап өтті.
Мақаланың түпнұсқасы: https://kaz.nur.kz/society/2023237-10-zylga-deiin-sottaluy-mumkin-policiya-turmystyq-zorlyq-zombylyq-usin-zaza-kuseitilgenin-eske-saldy/