"Ол батыр атағына лайық": Абай облысында қаза тапқан тракторшының туыстары көмексіз қалудан қорқады

Абай облысындағы орман өртін сөндіруге шығып, қаза тапқан тракторшы Сергей Архиповтың туыстары көмексіз қалдырмауды сұрайды. Бұл туралы КТК телеарнасы хабарлады.

Телеарна мәліметінше, марқұмның туыстары Сергей Архипов қызметтік міндетін атқарып жүріп қайтыс болғанын айтады.

Туыстарының айтуынша, Сергей Архипов жұмысқа өткен сенбіде шақырылған. Ол орман шаруашылығының басқа қызметкерлері сияқты өрт сөндіруге барған.

Туыстарының сөзінше, тракторшы оларға орманды жыртып жүргенін айтқан. Ал кейінірек ол рация арқылы әріптестеріне адасып кеткенін айтып, байланысқа шығуын тоқтатқан. Туыстары трактордың жанармайы таусылды деп үміттенген. Алайда соңында Сергейдің зорлық-зомбылық белгілері жоқ денесі өрт болған аймақтан 50 шақырым жердегі ағаш түбінен табылған. Полиция трактордың істен шықпағанын айтты.

Телеарна дерегінше, Сергей Архиповтың артында әйелі, 9 жасар ұлы мен 12 жасар қызы қалған. Ер адамның бейтаныс аймақта қалай жалғыз қалғанын отбасы да анықтап жатыр.

"Сергей өртті сөндіруге көмектесті. Ол шынымен батыр атағына лайық. Бізді естіп, бізге көмек көмек көрсеткенін қалаймыз. Қазір Сергейдің туыстарына көмек көрсетілмейді деген ақпарат тарады. Тіпті, әйеліне де, балаларына да көмек көрсетілмейді деген. Бұл дұрыс емес деп ойлаймын. Жұмыста қайтыс болды. Оны сонда жіберді. Ол аймақ туралы мүлдем ештеңе білмеді және жалғыз болды", - деді марқұмның өгей қызы.

Дереккөз: КТК арнасы

Естеріңізге сала кетсек, Абай облысында өрте кезінде жоғалып кеткен Бесқарағай ауданы Долон ауылының тұрғыны Сергей Архиповтың денесі қызметтік иттің көмегімен өрт сөндіру орнынан 50 шақырым жерден табылған еді.

Оның алдында Абай облысының полицейлері марқұмның тракторын тапқан болатын.

Кейін 13 маусымда денесі табылған Абай облысындағы орман шаруашылығы тракторшысы Сергей Архиповтың өліміне не себеп болғаны анықталған еді.