Қытай мен Қазақстан шекарасындағы автомобиль өткізу бекеттері уақытша жабылады

22 маусымнан бастап Қытай мен Қазақстан шекарасындағы автомобиль өткізу бекеттері жабылады. Бұл туралы KAZ.NUR.KZ Ұлттық қауіпсіздік комитетінің Telegram-дағы ресми арнасына сілтеме жасап хабарлайды.

Ведомство мәліметінше, Қытай шекарасы Қазақстан үкіметі мен Қытай Халық Республикасының үкіметі арасындағы "Қазақстан-Қытай мемлекеттік шекарасы арқылы өткізу пункттері туралы" келісімге сәйкес өткізу пункттерінің уақытша жабылады.

Ұлттық қауіпсіздік комитеті ҚХР-да тойланатын "Айдаһар қайықтары"(Дуань У) мейрамына байланысты шекара уақытша жабылатынын хабарлады.

"2023 жылғы 22 маусымда қазақ-қытай шекарасындағы автокөліктік өткізу пункттерінде адамдар, көлік құралдары, жүктер мен тауарлар өткізілмейді" - деді ҰҚК өкілдері.

Алайда құзырлы орган теміржолдық өткізу пункттері штаттық режимде жұмыс істейтінін атап өтті.