Үлкен Алматы көліне бара жатқан жолда қар барысы көзге түсті

Үлкен Алматы көліне бара жатқан жолда адамдар қар барысын байқап қалған. Бұл туралы Sputnik Қазақстан агенттігі хабарлады.

Агенттіктің жазуынша, көлік жүргізушілері жартаспен жоғары қарай өрмелеп бара жатқан барысты видеоға түсіріп алған.

"Біз жолдың арғы бетіне өтіп бара жыртқыштан қорқып кеттік, ал ол бізді көргенде шошып кетті", – деп жазған видео авторы.

Айта кетейік, елімізде Қызыл кітапқа енген жануарларды заңсыз аулағандарға 10 жылға дейін бас бостандығынан айыру жазасы қарастырылған.