Алматы облысында шенеунік мереке кезінде қайтыс болды

Алматы облысында Еңбекшіқазақ ауданындағы Асы үстіртінде өткен мерекеде әкімдік қызметкері қайтыс болды. Бұл туралы облыс әкімдігіне сілтеме жасаған KAZ.NUR.KZ хабарлайды.

Ведомствоның хабарлауынша, Еңбекшіқазақ ауданындағы Ассы үстіртінде жыл сайынғы дәстүрлі Agro-Business Forum Assy-2023 форумы өткен болатын.

Іс-шара аяқталғаннан кейін қонақтардың бірі өзін нашар сезінген. Кезекшілікте болған медицина қызметкерлері оған шұғыл көмек көрсетті. Бірақ барлық әрекеті нәтижесіз болған, ер адам есін жимай қайтыс болды.

Алматы облысы әкімдігінің хабарлауынша, марқұм Бәйтерек ауылдық округі әкімінің аппаратында бас маман болып жұмыс істеген. Сол күні ол мерекеге демалушы ретінде барған еді.

Асы үстірті теңіз деңгейінен 2800 метрден астам биіктікте орналасқан. Ведомствоның болжауынша, бұл жағдайдың орын алуына қызметкердің өзін нашар сезінуі себеп болған.

"Әріптестің қазасы - ұжым үшін орны толмас қайғы. Марқұмның отбасына материалдық көмек көрсетіледі", - деді Алматы облысының әкімдігінде.