Кейбір қазақстандықтар үшін әскери билеттерді алып тастау жоспарлануда

Бүгін Орталық коммуникациялар қызметінде өткен брифингте Қорғаныс вице-министрі Дархан Ахмедиев әскери міндетін өтеуге тиіс азаматтар мен қазақстандық ерлер үшін қандай өзгерістер әзірленіп жатқанын айтты. Бұл туралы KAZ.NUR.KZ хабарлайды.

Дархан Ахмадиевтің сөзінше, енді әскери борышын өтемеген азаматтар әскери билет алу қажеттілігінен босатылады.

Бұл ретте Қорғаныс министрлігінде сыбайлас жемқорлық тәуекелдерін айтарлықтай төмендетіп, бюджет қаражатын үнемдеуді көздеуде.

"Әскери билеттерді дайындау бюджет қаражаты есебінен жүргізіледі. Бүгін әскери қызмет өткермегендер келіп, осы әскери билеттерді алып кетуі керек. Сонымен қатар бұл әскери билеттер жоғалған жағдайда олар айыппұл төлеуге міндетті болатын. Енді біз бұл үдерісті жоямыз. Бұдан былай азаматтың жеке кабинетінде әскери борышын өтеуге тиіс деген статус тұрады, яғни біз мұндай нәтижеге цифрландырудың арқасында қол жеткіздік.

Бұл екі бастама техникалық тұрғыда жүзеге асырылған, енді оны заңға енгізу жұмыстары жүргізілуде. Осы жылы оны пилоттық түрде енгізетін боламыз. Бірақ ресми түрде бұл жүйені келесі жылдан бастап іске қосуды жоспарлап отырмыз", – деді спикер.