"Су басқан жолдар мен кемпірқосақ": алматылықтар жауыннан кейінгі Алматыны көрсетті (фото, видео)

Бүгін, 8 тамызда Алматыда жауын жауып, ауа райының қолайсыздығынан қалада жолдарды су басты. Оқиғаның мән-жайын Алматы қаласы әкімдігінің баспасөз қызметі баяндады, деп хабарлайды KAZ.NUR.KZ.

Әкімдік баспасөзінің мәліметінше, жауын-шашын нәтижесінде Алмалы және Наурызбай аудандарында бірнеше су басу учаскелері анықталды. Бірақ олар тез қалыпқа келтірілді.

"Алмалы ауданында су басу жағдайы учаскеде жүргізілген жол жөндеу жұмыстары мен шеткі дренаждық шұңқырлардың уақытша болмауына байланысты болған. Бұл өз кезегінде жаңбыр суын арықтарға жібереді. Жөндеу жұмыстары аяқталғаннан кейін жол жиегіндегі шұңқырлар жасалады", - деп түсіндірді Алматы қаласы әкімдігінің баспасөз қызметі.

Сонымен қатар Алматы қаласы әкімдігінің баспасөз қызметінің мәліметінше, Наурызбай ауданының әкімдігі "Алма сити" тұрғын үй кешеніндегі су басу мәселесін жою бойынша жедел жұмыстар жүргізген.

Алматы қаласы әкімдігінің баспасөз қызметінің мәліметінше, сағат 18:50-де су басу жағдайы "РБС Дорстрой" жауапкершілігі шектеулі серіктестігі мердігер ұйымы мен сервистік компанияның күшімен жойылды. Тұрғын үй кешенінің аумағынан көше желілеріне қосылу арқылы суды бұру мәселесі пысықталуда.

Осы ретте алматылықтар жаңбырдан кейінгі Алматының күйін әлеуметтік желіде бөлісуде.

Желіге жарияланған кадрлерде тұрғындардың су басқан көше мен арықтар жүйесінің жұмыс сапасына шағымданды.

Сонымен қатар тұрғындар Алматы аспанындағы кемпірқосақты да түсіріп үлгерді.