Астана әкімдігі Қазақстан-Финляндия арасындағы матчқа байланысты тұрғындарға үндеу жасады

Астана әкімдігі бейсенбі, 7 қыркүйекте футболдан Қазақстан-Финляндия арасында матч өтетінін еске салып, қала тұрғындарын қозғалыс бағытын алдын ала жоспарлауға шақырды. Бұл туралы елорда әкімдігі ресми сайтында хабарлады.

"Астана Арена" стадионында 7 қыркүйек күні ЕУРО-2024 іріктеу кезеңі аясында Қазақстан- Финляндия матчы өтеді. Осыған байланысты астаналықтар көлік кептелісін болдырмау үшін қозғалыс бағытын алдын ала жоспарлауы қажет", - делінген хабарламада.

Әкімдік мәліметінше, ЕУРО-2024 іріктеу турнирі 7 қыркүйек күні сағат 20:00-де өтеді және бұл матч Қазақстан құрамасы үшін шешуші кездесулердің бірі.

"Қазірдің өзінде 30 мыңға жуық билет сатылып кетті. Стадион лық толы болады деп күтіліп отыр", - деп хабардар етті қалалық әкімдіктен.

Осы орайда әкімдік матч "Астана Арена" стадионында өтетіндіктен, Тұран мен Қабанбай батыр даңғылдарына көлік нөпір" шамадан тыс көп болуы мүмкін екенін ескертті.

Сонымен қатар ведомство көлік кептелісін болдырмау үшін жүргізушілер қозғалыс бағытын алдын ала жоспарлап, қоғамдық тәртіп сақталуы керек екенін атап өтті.

Бұған қоса әкімдік 10 қыркүйек күні сағат 19:00-де Астанада Қазақстан-Ирландия құрамасы кездесетінін еске салды.