"Пышақпен ұрған": Жамбыл облысында полицейге шабуыл жасаған жүргізуші ұсталды

Жамбыл облысында полиция қызметкерін пышақпен ұрып, оған шабуыл жасаған 61 жастағы көлік жүргізушісі ұсталды. Зардап шеккен полицей ауруханаға жеткізілді, деп хабарлайды Telegram-дағы ІІМ ресми жаңалықтар арнасы.

Ведомство мәліметінше, 20 қыркүйекте Алматы-Ташкент автожолының 168 шақырымында жол ережесін өрескел бұзғаны үшін полиция қызметкері Жамбыл облысы Қордай ауданының 61 жастағы тұрғынының басқаруындағы "Тойота Карина" маркалы автокөлігін тоқтатқан.

Белгілі болғандай, бұзушылықты тіркеу кезінде жүргізуші патрульдік полиция батальоны қызметкерінің мойнынан бір рет жиналмалы пышақпен ұрған.

Осы факті бойынша Қылмыстық кодекстің 380-1-бабы 1-бөлігі бойынша (құқық қорғау органы қызметкерінің өміріне қол сұғушылық) бойынша сотқа дейінгі тергеу басталды.

"Жауап алу кезінде ер адам әйелінің қайтыс болуына және тұрмыстық мәселелерге байланысты депрессиялық жағдай оны осындай үмітсіз қадамға итермелегенін түсіндірді. Өзінің ойланбай жасаған әрекетінің ауырлығын түсініп, жасаған ісіне өкінетін жеткізді", - делінген хабарламада.

ІІМ ақпаратынша, полиция қызметкері ауруханаға жеткізілді.

Полиция ұсталған адам Қордай АПБ уақытша ұстау изоляторына қамалғанын, қызметтік тергеу тағайындалғанын атап өтті.